Jo Nesbo

Ümumi diqqətin möcüzəsi, hamını və hər kəsi cəlb edən qütb.

böyüklərin oyunlarına biganə deyildi.

razı halda gülümsədi

İndi Arve Step birinci studiyanın qonaq otağında dayanıb qrim olunmağa hazırlaşırdı: parlaq mavi gözlər, sıx ağ saçları təzə vurulub, lakin çox az kəsilib ki, saçın ucları qıvrılsın, ona üsyankar bir görkəm versin.

Step sadə, ancaq son dərəcə bahalı boz kostyum geyinmişdi, düzdür, bircə adam belə deyə bilməzdi ki, bu onun ağlına hardan gəlmişdi.

O, başının hərəkəti ilə bir qədəh qırmızı şərab və ləbləbi ilə artıq divanda oturmuş qadın psixoloqu salamladı.

Mən bilmirdim, psixoloqlar belə gözəl olurlar, – o, qadına dedi.

Uda qadın psixoloqun bir qədər yubanaraq gülümsədiyini gördü. Əgər qadın Stepin komplimentinin adi xarakter daşıdığını anlamışdısa belə, o bunu gizlətməyi bacardı.

Hamıya salamlar, gəldiyiniz üçün sağ olun! – Bu, Bosse Eqqen idi.

O, sağdan sola qonaqlarla bir-bir görüşməyə başladı: onların əllərini sıxdı, gözlərinə baxdı, onları öz proqramında gördüyünə görə şad olduğunu bildirib dedi ki, söhbətin qızğın getməsi üçün sual və şərhlərlə bir-birlərinin sözünü hökmən kəsməlidirlər.