Puaronun Milad Bayrami

bəzən qarşısında dayananın yazıq-yazıq boyun əyməyi, itaət etməyi bir kişinin ruhundakı bütün eybəcərliklərin baş qaldırmağına səbəb ola bilər, – Hilda dilləndi. – Halbuki bax, elə həmin adam öz qarşısında güclü, qüvvətli bir qadın görəndə xarakteri tamamilə dəyişilir.

Hilda dərindən köks ötürdü.

“İnsanlar! İntəhasız və sonsuz sayda insan axını! Və hamısı, hər biri, necə deyərlər, elə tutqun, yeknəsəq baxışlıdırlar ki! Bir-birinə bənzəyir, çox qorxunc bir şəkildə bir-birləri ilə eynidirlər, sanki bir almanın yarısıdırlar. Bəzilərinin çöhrələri qoyuna bənzəməsə də, dovşanın çöhrəsindən fərqlənmir. Bəziləri yüksək səviyyədə geyinib-kecinmiş boşboğazlardır. Ağızlarına gələni danışırlar. Onların içərisindəki ortayaşlı, gonbul kişilər xoruldayırlar. Bunların əksəriyyəti eynilə bir donuz kimidir. Hətta bu nərmə-nazik, qırmızıdodaq, yumurtasifət gözəlçələr də insanın ürəyini bulandıracaq dərəcədə bir-birilə eynidir.”